Il chavrer da Valdretta es cumparü dal 1931 i’l „Chalender Ladin“ e crodà in invlidanza sco blers texts litterars dals Chalenders da plü bod. L’autur Jon Bardola (1877-1954) es stat bler ons magister ad Amriswil e dvantà là üna vusch ferma pels scolars dad emigrants, impustüt talians. Seis pensar social, emancipà ed ingaschà dvainta palais eir in sia prosa, publichada deplorablamaing unicamaing in periodics. Culla nouva ediziun dad ün da seis raquints plü lungs voul la chasa editura editionmevinapuorger render omagi ad üna persunalità ferma ed impreschiunanta chi ha vivü la vita dad ün randulin tanter Amriswil e Vnà.